KATEGORIAK:
Kaltzio Karbonatoa eta dituen aplikazio harrigarrienak. 1.Zatia
60 urteko esperientziaren bermea du Calcinorrek aplikaziorik harrigarrienetan ere erabiltzen den kaltzio-produktu horren erauzketan eta ekoizpenean.
Calcinorren bi produktu izango dira, Kaltzio Karbonato Mikronizatua eta Kaltzio Karbonato Hauspeakina, aplikazio bitxi horien protagonista baina, lehenik eta behin, ezagut ditzagun horien erabilera arruntenak, gure inguruan duten egitekoa ulertzeko.
Produktu ezagun baina beharrezko baten ohiko aplikazioak.
Kaltzio karbonatoa solido geldo bat da eta, harrobitik erauzi eta granulometriaren arabera sailkatu ondorengo bere zuzeneko erabileran, hormigoien, asfaltoen eta argamasen fabrikazioan erabiltzen da, beste aglutinatzaile batzuekin baterako formulazioetan. Betegarrietan, bide-zoruetan eta trenbide-balastoetan ere ohikoa da zuzenean erabiltzea.
Ba al zenekiten agregakin natural hau dela gizakiak gehien kontsumitzen dituen lehengaietatik bigarrena, uraren atzetik?
Azken batean, Eraikuntzaren sektorearekin lotutakoak dira aipatu ditugun CaCO3-ren aplikazio guztiak, eta Calcinorrek sektore horren beharrei erantzuten jakin du, obra zibiletarako berariazko produktu berriak garatuz, eta fatxadak eta ondare historikoa eraberritzeko neurrirako produktuak prestatuz.
Teknologia Kaltzio Karbonatoaren bereizketaren zerbitzura.
Purutasun handiko produktu batetik abiatzeak –eta horixe da Calcinorren kasua– aplikazio oso ezberdinetarako Kaltzio Karbonatu bereizia ekoiztea ahalbidetzen digu. Baina nola egiten dugu hori?
Erabilera anitzeko produktu horren banaketa granulometrikoa aplikazio bakoitzaren behar ezberdinetara egoki daiteke.
PCCren ezaugarri bereizgarriena da partikulen tamainen banaketa estua duela; partikula horiek, gainera, oso finak izaten dira (<2 mikra). Maila kristalografikoan, formazio kristalino ezberdinak lor daitezke, eta horiek ezaugarri ezberdinak ematen dizkiote azken produktuari, era horretan, sektore ezberdinetan gehigarri gisa duen aplikagarritasuna areagotuz.
